Posadres:  Posbus 27098, Green Acres, Port Elizabeth, 6057.

Dankie vir almal wat die Getuienistee so 'n kosbare belewenis gemaak het.

      Vir meer fotos klik op "lees meer"      

Omdat meeste gemeentes voor Kersdag reeds "Kerstyd" vier (met o.a. kerssangdienste) en winkels mense aanmoedig om voor Kersdag hulle "kersaankope" te doen, meen die meeste mense Kersfeestyd word “afgesluit” op 25 Desember.

Kerstyd is in werklikheid die tyd tussen Kersdag en Epifanie. As ons begin tel by 25 Desember tot en met 5 Januarie met Epifanie op 6 Januarie, dan kom ons by die getal twaalf uit, die sogenaamde "twaalf dae" van Kersfees. Gedurende hierdie twaalf dae (een van hierdie dae is natuurlik nuwejaarsdag), behoort ons eintlik "Kersfees" te vier. Die kleure gedurende Kersfees is tradisioneel wit en goud, wat op viering en vreugde dui.

Epifanie beteken "Godsverskyning" en verwys na die verskyning van God in menslike vorm op aarde. In baie Christelike tradisies is hierdie dag die groot hoogtepunt van die viering van Christus se koms na die aarde en word die gebruiklike geskenke ook op hierdie dag, en nie op 25 Desember nie, uitgedeel.

Tematies word Epifanie ten nouste met veral die doop van Jesus verbind, asook met die bruilof in Kana. In die geheel word daar in die tyd na Epifanie (tot die begin van Lydenstyd) gekonsentreer op Jesus se lewe hier op aarde, totdat Hy na sy verheerliking op die berg die lydenspad begin stap het. Die ster van Betlehem as simbool van lig en hoop is die sterkste visuele simbool van hierdie tyd. Die dominante kleur van Epifanie is groen.

Klik hier vir die artikel.

Nuwe webtuiste moedig gesprek oor Belhar aan

Ten spyte van baie sterk opinies oor die Belydenis van Belhar, is daar baie lidmate wat nie werklik die inhoud ken nie.  Daar is nou 'n webblad waar belangstellendes 'n een-stop-katalogus van materiaal oor die Belhar-Belydenis kan kry.  Besoek gerus www.belydenisvanbelhar.co.za